English (UK) გრან-პრი - "ალუბლის ბაღი"
14 იანვარს ქართული თეატრის დღე აღინიშნება. ამ თარიღთან დაკავშირებით, ჭიათურის აკაკი წერეთლის სახელობის სახელმწიფო დრამატულ თეატრში საქართველოს კულტურისა და ძეგლთა დაცვის სამინისტრომ მასშტაბური ღონისძიება გამართა. ღონისძიების ფარგლებში, ჭიათურის თეატრის 120 წლის იუბილესადმი მიძღვნილი გამოფენა მოეწყო, სადაც წარმოდგენილი იყო ფოტოები, კოსტიუმები და სხვადასხვა მუზეუმში დაცული საარქივო მასალა; ჭიათურის თეატრის დასმა თეატრის ისტორიის ამსახველი დადგმა წარმოადგინა. თეატრის ტერიტორიაზე, ჭიათურის თეატრის ღვაწლმოსილი მსახიობის როდერ ჩაჩანიძის ვარსკვლავი გაიხსნა.
საზეიმო ღონისძიებების ფარგლებში, ასევე მოეწყო 2015 წლის ქართული თეატრის საერთაშორისო თუ ადგილობრივი წარმატებების პრეზენტაცია. ღონისძიების დასკვნით ნაწილში გაიმართა დაჯილდოების ცერემონია - გაიცა 18 პრემია, მათ შორის სახელობითი პრემიები განსაკუთრებული ღვაწლისთვის (სანდრო ახმეტელის, კოტე მარჯანიშვილის, ვერიკო ანჯაფარიძის, პეტრე ოცხელის, ასევე სპეციალური პრიზი) და ყოველწლიური ჯილდოები წლის საუკეთესო სპექტაკლისთვის, მსახიობებისთვის, რეჟისურისთვის და ა.შ.